صيدلي سوري يوجه رسالة بعد إهانته من سيدة في مصر

تداول نشطاء مواقع التواصل الاجتماعي مقطع فيديو لصيدلي سوري مقيم في مصر يدعى مصطفى عدنان، يرد فيه على سيدة مصرية وجهت له إهانة خلال تأدية مهام عمله".

@mustafaadnan246
⚠️Important⚠️
♬ original sound - Mustafa Adnan

وقال مصطفى في مقطع فيديو نشره عبر حسابه على تيك توك: "أنا مصطفى عدنان، صيدلي سوري مقيم في مصر. اللي ظهرت في الفيديو المنتشر عبر منصات التواصل الاجتماعي، أنا درست صيدلة في مصر وأخذت الثانوية العامة من مصر، وبشتغل في الصيدلة من 5 شهور. والحمد لله كل الناس في المنطقة عارفيني، ومحدش اشتكى مني قبل كده ولا حد زعل مني قبل كده".

وتابع شرح الموقف قائلاً: "الموقف باختصار إنه من كام يوم، دخلت السيدة الصيدلية وطلبت منتجات عناية بالبشرة. كانت بنتها طالباها وموصية عليها قبلها، ووفرنها لها. الأم أول لما دخلت الصيدلية تفاجأت إن الصيدلي سوري، وفضلت تقولي: 'ارجع بلدك، فين المصريين اللي هنا؟ انت اخدت فرص عمل المصريين'. وفضلت تزعق قدام الناس في المكان، وصوتها كان عالي، والكاميرات بتاعت الصيدلية مصورة كل دا."

وأضاف مصطفى: "بعدها بـ 10 دقايق، بنتها وصلت الصيدلية وفضلت تعتذر عن الموقف اللي والدتها عملته، وقالتلي: 'همسح الفيديو'. وخدت الطلبات بتاعتها ومشيت. ولكن اتفاجئت إن الفيديو أصبح تريند ومازال منتشرا على السوشيال ميديا."

واستكمل حديثه: "أنا صيدلي شغال في صيدلية لها مدير مصري، ومعايا إقامة سارية، ووالدتي مصرية وأهلها كلهم مصريين. والبلد سامحة لي بمزاولة الصيدلة بشكل قانوني في أي صيدلية. اللي حصل ده حالة فردية، والشعب المصري من أطيب الشعوب ودائمًا بيقف مع السوريين. وأنا حاسس إني وسط أهلي وناسي، ولا عمري حسيت إني غريب. ودي كانت أول مرة اتعرض للموقف ده."

وأكد مصطفى أن الموقف لا يعكس طبيعة الشعب المصري، معبرًا عن امتنانه للدعم الذي تلقاه من المصريين، واصفًا إياهم بأنهم "من أطيب الشعوب".

المصدر: القاهرة 24