55 خبر

تاريخ النشر: 13.08.2024 | 00:37 GMT

"كاميرات الفيلا وثقت كل شيء".. رجل أعمال مصري يكشف في التحقيقات تفاصيل اتهام زوجته البلوغر بالزنا

كشفت التحقيقات تفاصيل واقعة اتهام رجل أعمال مصري زوجته البلوغر الشهيرة بالزنا وذلك بعد صدور حكم بحبسها عاما واحدا.

وقال رجل الأعمال أمام جهات التحقيق في بلاغه المقدم ضد زوجته: "اللي حصل إني أنا متجوز من البلوغر منذ عام 2016 وأنجبت منها ولد وبنت، وفي سنة 2021 اتحكم عليا بالسجن 5 سنوات في قضية سلاح ونفذت وخرجت في شهر نوفمبر 2023".

وأضاف "أنا في السجن أمن الكمبوند بلغ والدي إن زوجتي بتخرج وترجع الفجر يوميا، والأمن لاحظ إن فيه حد بيبقي نايم على كنبة عربية زوجتي من ورا".

وتابع قائلا: "والدي لما عرف راجع الكاميرات على سور الفيلا وعلى مدخل الباب، والكاميرات دي وثقت أنها كانت بتجيب شخص معاها كل يوم بيدخل الفيلا معاها، بالليل وبيخرج الصبح".

وأردف قائلا أمام جهات التحقيق: "الأمن شاف الراجل إلي بيدخل مع زوجتي أكثر من مرة وأنا لما خرجت من السجن شوفت الفيديوهات دي وشفت الشخص دا بيدخل وبيخرج من الفيلا كل يوم وبيبات فيها".

ومضى قائلا: "وبعد كده أنا شفت سجل المكالمات بتاع زوجتي اللي بيظهر في الفاتورة عشان الخط اللي شيلاه هو خط فاتورة وباسم الشركة بتاعتنا.. ولاقيت إن زوجتي بتكلم الشخص دا كل يوم وأقل مكالمة ساعتين ثلاثة، وسألت على الرقم اللي بتكلمه وعن الشخص وعرفت اسمه، وأنا بتهم مراتي وشريكها بالزنا".

وأشار رجل الأعمال إلى أن الواقعة حصلت في رمضان 2023، موضحا أنه تأكد من الموضوع وعرف أن هناك علاقة غير شرعية بينهما.

المصدر: "القاهرة 24"