وقالت هدير: "محدش يقولي رصيدك من الستر خلص أنت مين علشان تقولي كده؟ أنا بخاف ربنا ومحدش يعرف إيه اللي بيني وبين ربنا... أنا مكنتش كده، كان بيتعملي سحر، وبيتعملي أعمال من جوزي السابق اللي حصلي معاه مشاكل وأنا متأكدة أن ربنا هيكرمني بإذن الله، وده خير ليا، وأنا عمري ما أذيت حد، وما غلطش ولا عملت حاجة حرام ولا خالفت شرع ربنا ومش ضعيفة عشان أمشي في الشارع بنقاب".
ووجهت نصيحة للمتابعين: "الفيديو اللي هيدخلك قرش حرام، ربنا مش بيسيب وشوفوا وسيلة تكسبوا بيها فلوس. ولو جورجينا مش هتلعموا معايا كده وأنا مش محور الكون، وشوفوا حاجة غيري".
وأشارت إلى دعم أسرتها لها، قائلة: "أمي بعتتلي بوست من صحفي محترم ساعدني على تخطي الموقف. كان بيقارن بين الموقف اللي حصلي بمواقف مشاهير تانيين حصلهم نفس الموقف، وده اللي طلعني من الاكتئاب".
وهاجم الجمهور هدير عبد الرازق بعد ظهورها في هذا الفيديو، حيث أنه يعد الظهور الثاني لها بعد أزمتها الأخيرة، ونصحها الجمهور بالابتعاد عن الظهور على مواقع التواصل الاجتماعي.
وقال أحد رواد مواقع التواصل الاجتماعي:" أنتي لسه ليكي عين تطلعي تتكلمي المفروض تسكتي إيه البجاحة دي!".
المصدر: RT